پشاور:ڈاکٹر جمال اغوا ! تین ماہ بعد شہید

پشاور میں شیعہ ڈاکٹر جمال کالعدم دہشت گرد گروہ طالبان ناصبی دہشت گردوں کے ہاتھوں اغوا کے بعد تین ماہ بعد شہید کر دئیے گئے ۔شیعت نیوز کے نمائندے کی رپورٹ کے مطابق شیعہ ڈاکٹر جمال کو تین ماہ قبل پشاور سے کالعدم دہشت گرد گروہ سپاہ صحابہ،لشکر جھنگوی اور طالبان ناصبی وہابی دہشت گردوں نے اغوا کر لیا تھا جبکہ ساڑھے پانچ کروڑ روپے تاوان کا مطالبہ کیا تھا ،تاہم آج ہفتے کی دوپہر کو تقریباً ساڑھے بارہ بجے شیعہ ڈاکٹر جمال کو شہید کر کے جمرود میں پھینک دیا گیا جہاں سے ان کی لاش مل گئی ہے۔

شہید ڈاکٹر جمال کا تعلق پاراچنار کے علاقے زیڈان سے تھا جبکہ وہ پشاور میں خیبر ٹیچنگ اسپتال کے ممبر بھی تھے ۔شہید کی شخصیت انتہائی اہمیت کی حامل تھی جبکہ شہید ڈاکٹر جمال ملی و قومی کاموں میں بھرپور کردار ادا کیا کرتے تھے ۔

واضح رہے کہ شہید ڈاکٹر جمال کو اغوا سے قبل ناصبی وہابی دہشت گردوں کی جانب سے دھمکیاں بھی مل رہی تھیں۔

شہید ڈاکٹر جمال کی نماز جنازہ آج حیات آباد پشاور میں ادا کر دی گئی ہے ۔

یہ بات قابل ذکر ہے کہ طالبان ناصبی دہشت گردوں نے شہید ڈاکٹر جمال کے بھائی سید سلطان سے ساڑھے پانچ کروڑ روپے تاوان مانگا تھا جس پر شہید کے بھائی کی طالبان دہشت گردوں سے بات چیت چل ہی رہی تھی کہ آج ناصبی وہابی طالبان دہشت گردوں نے شہید ڈاکٹر جمال کو شہید کر دیا۔

یہ بات یاد رہے کہ خیبر پختون خواہ میں طالبان ناصبی دہشتگردوں کا یہی سلسلہ رہا ہے کہ ملت جعفریہ کے عمائدین کو اغوا کیا جاتا ہے اور پھر بھاری تاوان طلب کر کے شیعہ عمائدین کو شہید کر دیا جاتا ہے ۔