شہید علی رضا عابدی قتل کیس میں ملزمان کی درخواست ضمانت پر فیصلہ محفوظ

شیعہ نیوز (پاکستانی شیعہ خبر رساں ادارہ) معروف شیعہ سیاستدان شہید علی رضا عابدی قتل کیس میں عدالت نے گرفتارملزمان کی درخواست ضمانت پر فیصلہ محفوظ کرلیا ہے۔

تفصیلات کے مطابق سابق رکن قومی اسمبلی اور نامور شیعہ سیاسی رہنما شہید علی رضا عابدی قتل کیس کی سماعت انسداد دہشت گردی عدالت میں ہوئی، عدالت نے 3 ملزمان کی درخواست ضمانت کی سماعت کے موقع پر 2 ملزمان ابوبکر اور محمد غزالی کی درخواست ضمانت پر فیصلہ محفوظ کرلیا۔

کیس میں تیسرے نامزد ملزم فاروق کی درخواست ضمانت پر سرکاری وکیل کو نوٹس جاری کردیا گیا، جبکہ کیس میں ایک ملزم پہلے سے ہی ضمانت حاصل کرچکا ہے۔پولیس کے مطابق ان گرفتار ملزمان پر علی رضا عابدی کے قتل میں سہولتکاری کا الزام ہے۔

واضح رہے کہ علی رضا عابدی کو 25 دسمبر 2018ء میں ان کی رہائش گاہ کے باہر قتل کیا گیا تھا۔