یمنی فوج کے سعودی فوجی ٹھکانوں پر تابڑ توڑ حملے

شیعہ نیوز (پاکستانی شیعہ خبر رساں ادارہ) حالیہ ہفتوں کے دوران یمنی فوج اور عوامی رضاکار فورس انصارللہ نے سعودی اتحادی افواج کے ٹھکانوں اور سعودی تنصیبات پر اپنے حملے تیز کر دیئے ہیں۔

یمنی فوج اورعوامی رضاکار فورس انصاراللہ نے مغربی صوبے حجہ میں سعودی اتحاد کے فوجی ٹھکانوں پر زلزال 1 میزائلوں اور کتیوشا راکٹوں سے حملہ کیا ہے۔

یمنی فوج اور عوامی رضاکار فورس انصاراللہ نے مغربی صوبے حجہ کے علاقے جیزان میں سعودی اتحاد کے فوجی ٹھکانوں کو اپنے حملے کا نشانہ بنایا اور سعودی اتحاد کے دسیوں فوجیوں کو ہلاک و زخمی کر دیا۔

متحدہ عرب امارات، سعودی اتحاد میں شامل دوسرا بااثر ملک ہے۔ یمن کے بارے میں سعودی عرب اور متحدہ عرب امارات کے درمیان پیدا ہونے والے اختلافات کی اصل وجہ یمن کے میدان جنگ کی عملی صورت حال ہے جہاں یمنی فوج اور عوامی رضاکار فورس کی دفاعی اور میزائل توانائی میں مسلسل اضافہ ہوا ہے ۔