صیہونی جیل میں فلسطینی قیدی کی شہادت کے خلاف احتجاجی مظاہرہ

شیعہ نیوز (پاکستانی شیعہ خبر رساں ادارہ) غرب اردن کے فلسطینیوں نے اسرائیلی جیل میں بند ایک فلسطینی قیدی کی شہادت کے خلاف احتجاجی مظاہرہ کیا ہے۔

گذشتہ مہینے بیت لحم میں صیہونی بستی بیت فجار سے صیہونی فوجیوں نے فلسطینی نوجوان ماجد طقاطقہ کو گرفتار کرکے اسرائیلی جیل نیتسان کی کال کوٹھری میں ڈال دیا اور پھر جیل انتظامیہ نے اس پر اس قدر تشدد کیا کہ وہ شہید ہوگیا ۔

اسرائیلی جیل میں فلسطینی نوجوان کی مظلومانہ شہادت کے خلاف بدھ کو غرب اردن میں فلسطینیوں ریڈکراس کمیٹی کے دفتر کے باہر اجتماع کیا اور اسرائیلی حکومت کے وحشیانہ جرائم کو روکنے کے لئے عالمی برادری کے اقدامات کا مطالبہ کیا ۔

دوسری جانب اسرائیلی فوج نے فلسطینی شہید کی لاش کو ورثا کے حوالے کرنے سے بھی انکار کردیا ہے جبکہ اسرائیلی جیلوں میں صورتحال کشیدہ ہے ۔ فلسطینی قیدیوں سے متعلق تنظیم نے فلسطینی نوجوان ماجد طقاطقہ کی شہادت کا ذمہ دار اسرائیلی حکومت کو قراردیا ہے ۔

حماس نے بھی اسرائیلی جیل میں اس فلسطینی نوجوان کی شہادت کی بین الاقوامی تحقیقات کا مطالبہ کیا ہے ۔