افغانستان میں کابل یونیورسٹی کے قریب دھماکہ، 8 طلباء جاں بحق

شیعہ نیوز (پاکستانی شیعہ خبر رساں ادارہ) افغانستان میں کابل یونیورسٹی کے قریب بم دھماکے میں 8 طلباء جاں بحق یا متعدد زخمی ہوگئے ہیں۔

رپورٹ کے مطابق افغان وزارت صحت کے ترجمان’’وحید مایار‘‘ کا کہنا ہے کہ کابل یونیورسٹی کے سامنے ایک زوردار دھماکے میں8 طلباء جاں بحق اور متعدد شدید زخمی ہوگئے ہیں۔

افغان میڈیا کا کہنا ہےکہ دھماکے کے وقت طلبہ کی بڑی تعداد یونیورسٹی کے باہر موجود تھی اور طلباء یونیورسٹی کے گیٹ کے قریب امتحان حال میں داخل ہونے کی کوشش کررہے تھے۔

کابل پولیس کمانڈر کے ترجمان’’ فرامرز فرودس‘‘کا کہنا ہے دھما کے کے نتیجے میں یونیورسٹی کے قریب کھڑی 2 گاڑیوں میں آگ بھڑک اٹھی، زخمی اور ہلاک ہونے والے افراد کی لاشوں کو اسپتال منتقل کیا گیا جہاں زخمیوں کو طبی امداد دی گئی۔

واضح رہے کہ داعش دہشت گرد تنظیم نے دھماکے کی ذمہ داری قبول کی ہے۔