کالعدم سپاہ صحابہ کا ٹارگٹ کلر پولیس مقابلے میں ہلاک

شیعہ نیوز (پاکستانی شیعہ خبر رساں ادارہ) کراچی سینٹرل جیل سے فرار ہونے والاکالعدم سپاہ صحابہ کا ٹارگٹ کلر ممتاز عرف فرعون بلوچستان میں پولیس مقابلے میں ہلاک ہوگیا۔

تفصیلات کے مطابق سینٹرل جیل کراچی سے فرار ہونے والا کالعدم سپاہ صحابہ کا ٹارگٹ کلر شیخ ممتاز عرف فرعون بلوچستان میں میں سیکیورٹی فورسز سے مقابلے میں ہلاک ہوگیا۔

ذرائع کے مطابقتارگٹ کلر شیخ ممتاز عرف فرعون اپنے 2 ساتھیوں کے ساتھ قانون نافذ کرنے والے اداروں کے ساتھ فائرنگ کے تبادلے میں مارا گیا، سی ٹی ڈی نے رواں ماہ کے آغاز میں فرعون کے بلوچستان میں موجود ہونے کی نشاندہی کی تھی جبکہ وہ 2 ماہ قبل کراچی بھی آیا تھا۔

ٹارگٹ کلر فرعون جون 2017ء میں سینٹرل جیل کراچی سے فرار ہوا تھا جبکہ اس کے دیگر ساتھی ابھی روپوش ہیں۔ٹارگٹ کلر شیخ ممتاز عرف فرعون شیعہ کلنگ، پولیس اہلکاروں سمیت کئی افراد کے قتل میں ملوث تھا۔