یمنی فوج کا العسیر پر حملہ، درجنوں سعودی فوجی ہلاک

شیعہ نیوز (پاکستانی شیعہ خبر رساں ادارہ) یمن کی فوج اور عوامی رضاکار فورس نے اتوارکی رات ایک بار پھر جنوبی سعودی عرب میں سعودی اتحاد کے ٹھکانوں پر میزائل برسائے۔

رپورٹ کے مطابق یمن کی فوج اور عوامی رضاکار فورس نے سعودی عرب کے صوبہ عسیر کی علب گذرگاہ کے قریب جارح سعودی اتحاد کے فوجی اڈوں کو مقامی ساخت کے زلزال ون میزائلوں سے نشانہ بنایا ہے۔

یمنی ذرائع نے اعلان کیاہے کہ یمنی فورسز اور قبائل نے عسیر کے علاقہ علب کی گذرگاہ میں کارروائی کی جس کے نتیجے میں درجنوں سعودی کرائے کے فوجی ہلاک ہوگئے۔

یمن کی فوج اور رضاکار فورسز نے جمعے کی رات بھی صوبہ عسیر کے البواب الحدید علاقے میں سعودی عرب کے کرائے کے فوجیوں کے اڈوں کو چار، زلزال ون میزائلوں کا نشانہ بنایا تھا۔

یمن کی فوج اور عوامی رضاکار فورس تقریبا ہر روز ہی سعودی عرب کے اندر بیلسٹک میزائلوں سے حملے کرتے ہیں۔

یمنی فوج اورعوامی رضاکار فورسز کی یہ کارروائیاں یمن میں عام شہریوں پر جارح سعودی اتحاد کی جارحیتوں کے ردعمل میں انجام پاتی ہیں۔