امریکی شہر ہیوسٹن میں کشمیریوں سے اظہار یکجہتی کیلئے مظاہرہ

شیعہ نیوز (پاکستانی شیعہ خبر رساں ادارہ) دنیا بھر میں کشمیریوں کے ساتھ اظہار یکجہتی کیلئے مظاہرے کئے جا رہے ہیں۔

امریکہ کے شہر ہیوسٹن کے این آر جی اسٹیڈیم میں امریکی صدر ٹرمپ اور بھارت کے وزیراعظم نریندری مودی کے جلسے کے خلاف اور کشمیریوں سے اظہار یکجہتی کیلئے مختلف مذاہب سے تعلق رکھنے والے افراد نے بڑی ریلی نکالی اور دنیا کی توجہ بھارت کے زیرانتظام کشمیر میں مظالم کی جانب کرنے کی کوشش کی۔

ٹوئٹر پوسٹ میں کہا گیا ہے کہ ہر رنگ، نسل اورعمر سے تعلق رکھنے والے افراد سڑکوں پر نکلے اور کشمیر کی موجودہ صورتحال پر احتجاج کیا۔

مظاہرین نے ڈرمز اُٹھا رکھے تھے جو انہیں بجاتے ہوئے نعرے لگارہے تھے اور گاتے ہوئے اپنا پیغام اور احتجاج ریکارڈ کروا رہے تھے۔

خیال رہے کہ بھارت کے وزیراعظم نریندر مودی اور امریکی صدر ڈونلڈ ٹرمپ نے ہیوسٹن میں این آر جے فٹ بال اسٹیڈیم میں ایک جلسے سے خطاب کیا۔

واضح رہے کہ بھارت کی جانب سے 5 اگست 2015 کو کشمیر کی خصوصی حیثیت کے خاتمے کے بعد دنیا بھر میں کشمیر کی صورت حال پر تشویش کا اظہار کیا جا رہا ہے۔