شام کے ایئر ڈیفنس سسٹم نے اسرائیل کا میزائل حملہ ناکام بنادیا
شیعہ نیوز (پاکستانی شیعہ خبر رساں ادارہ) شام کے ایئر ڈیفنس میزائل سسٹم نے اسرائیل کے جنگی طیاروں کے میزائل حملے کو ناکام بنادیا۔
رپورٹ کے مطابق شام کے ايئر ڈیفنس میزائل سسٹم نے شام کی فضائی حدود میں اسرائیل کے متعدد میزائلوں کو تباہ کردیا۔
شام کے فوجی ذرائع کے مطابق اسرائیلی جنگی طیاروں نے لبنان اور مقبوضہ فلسطین کی فضائی حدود سے شام کے دارالحکومت دمشق کے اطراف میں میزائلوں سے حملہ کیا جنھیں شام کے دفاعی میزائل سسٹم نے ناکام بنادیا ہے۔
دوسری طرف شام اور روس کی افواج نے شام کے صوبہ ادلب کے اطراف میں وہابی دہشت گردوں کے خلاف مشترکہ آپریشن کا آغاز کردیا ہے۔
رپورٹ کے مطابق شامی اور روسی فوج نے ادلب کے مشرق میں واقع اجناد القوقاز دہشت گرد گروہ کے ٹھکانوں پر میزائل داغے ہیں۔
شامی اور روسی فوج کے حملے میں دہشت گردوں کے متعدد ٹھکانے تباہ ہوگئے ہیں۔
شامی فوج اس آپریشن میں المشیرفہ علاقہ کا کنٹرول حاصل کرنے کی کوشش کررہی ہے۔
