انگلستان 31 جنوری کو یورپی یونین سے الگ ہوجائے گا

شیعہ نیوز (پاکستانی شیعہ خبر رساں ادارہ) ملکہ برطانیہ نے بریگزٹ بل پر دستخط کردیے ہیں اور انگلستان اب 31 جنوری کو یورپی یونین سے الگ ہوجائے گا۔

رپورٹ کے مطابق برطانیہ کو یورپ سے نکالنے کے لیے برطانوی وزیراعظم بورس جانسن کی کوششیں کامیاب ہوگئیں، لندن کی پارلیمنٹ سے بریگزٹ بل منظوری کے بعد اب بل پر ملکہ برطانیہ نے دستخط کردیے ہیں جس کے بعد یہ بل اب قانون (ایکٹ) کی شکل اختیار کرگیا ہے۔

دستخط کے بعد اب برطانیہ کے یورپی یونین سے علیحدہ ہونے کی راہ میں حائل تمام رکاوٹیں دور ہوگئی ہیں، 31 جنوری کو بریگزٹ پر عمل درآمد ہوگا اور برطانیہ باضابطہ طور پر یورپی یونین سے الگ ہوجائے گا۔