افغانستان میں چھے داعش دہشتگرد واصل جہنم

شیعہ نیوز (پاکستانی شیعہ خبر رساں ادارہ)افغان فوج نے پیر کو ایک بیان میں اعلان کیا ہے کہ مشرقی افغانستان کے صوبہ کنر کے نور گل علاقے میں داعش کے خفیہ اڈے پر ڈرون حملے میں چھے داعش دہشتگرد ہلاک ہوگئے ہیں۔ اس بیان کے مطابق داعش کے تین دیگر دہشتگرد وں نے اتوار کو چاوکای علاقے میں افغان سیکورٹی اہلکاروں کے سامنے ہتھیار ڈال دیئے۔ مقامی حکام کا کہنا ہے کہ داعش کے چالیس سے زیادہ دہشتگردوں نے اتوار کو صوبہ کنر کے اسدآباد علاقے میں ہتھیار ڈالے تھے۔ داعش دہشتگرد گروہ نے جو صوبہ کنرمیں سرگرم ہے ، ابھی تک اس خبر پر کوئی ردعمل ظاہر نہیں کیا ہے۔یہ واقعات ، افغانستان سے امریکی فوجیوں کے انخلا کے عمل کو آسان بنانے کی غرض سے سنیچر کو امریکہ اور طالبان کے درمیان ہونے والے نام نہاد امن معاہدے پر دستخط کے بعد سامنے آئے ہیں۔