سکردو،ایران سے آنے والے 62زائرین کورونا وائرس سے کلیئرقرار

شیعہ نیوز (پاکستانی شیعہ خبر رساں ادارہ) الحمد اللہ سکردو کے مختلف قرنطینہ سنٹرز میں موجود 62 زائرین کا کرونا ٹیسٹ منفی آنے کے بعدانہیں اپنے اپنے گھروں کو جانے کی اجازت دیدی گئی ہے۔ جبکہ گلگت میں بھی کرونا کے مزید چار مریض صحت یاب ہو گئے ہیں۔

قرنطینہ سے ڈسچارج ہونے والے زائرین میں 32 کا تعلق سکردو، 20 کا تعلق شگر، 7 کھرمنگ اور دو کا تعلق گانچھے سے ہے۔ جمعرات کے روز تمام زائرین اپنے گھروں کو روانہ ہو گئے جس کیلئے انتظامیہ کی جانب سے خصوصی طور پر ٹرانسپورٹ کا انتظام بھی کیا گیا تھا۔

ادھر گلگت میں کرونا کے مزید چار مریض مکمل طور پر صحت یاب ہو گئے ہیں۔ جی بی میں صحت یاب ہونے والوں کی مجموعی تعداد 59 ہو گئی جبکہ زیر علاج مریضوں کی تعداد 110 ہے۔