ٹرمپ کی کورونا پالیسی پر امریکی سینیٹروں کا انتباہ

شیعہ نیوز (پاکستانی خبر رساں ادار ہ ) امریکی سینیٹروں کے ایک گروپ نے نائب صدر مائک پینس کے نام خط میں کہا ہے کہ صدر ٹرمپ کورونا کے ہمہ گیر پھیلاؤ کو سنجیدگی سے نہیں لے رہے۔

خط میں صدر ٹرمپ پر الزام عائد کیا گیا ہے کہ وہ کورونا وائرس کے مریضوں پر پڑنے والے ٹھوس اور طویل المدت اثرات کو مسلسل نظر انداز کرنے کی کوشش کر رہے ہیں۔ مذکورہ امریکی سینیٹروں نے مائک پینس سے اس بات کی وضاحت پیش کرنے کا مطالبہ کیا ہے کہ کورونا وائرس کے اثرات کے مقابلے میں ٹرمپ انتظامیہ کی پالیسی کیا ہے۔

اس خط پر سینیٹر ایلزابتھ وارن، ٹیمی بالڈون، ٹینا اسمتھ، اور برنی سینڈرز نے دستخط کیے ہیں۔