لبنان، حماس کے مرکزی رہنما کی ناکام ٹارگٹ کلنگ

شیعہ نیوز (پاکستانی خبر رساں ادار ہ )لبنانی سرکاری خبررساں ایجنسی این این اے کے مطابق فلسطینی مزاحمتی تحریک حماس کے مرکزی رہنما بلال غالی کی ٹارگٹ کلنگ کی غرض سے لبنان کے اندر ان کی گاڑی میں ایک چھوٹا بم نصب کیا گیا تھا جو دھماکے سے پھٹ گیا۔ رپورٹ کے مطابق حماس کے مرکزی رہنما کی گاڑی کے اندر نصب بم لبنان کے مشرقی شہر صیدا کے علاقے سیروب میں پھٹا جس کے باعث وہ زخمی ہو گئے ہیں۔ این این اے کے مطابق دھماکے کے بعد امدادی تنظیموں کے کارکنوں نے انہیں ہسپتال پہنچا دیا جہاں ان کی حالت خطرے سے باہر بتائی جاتی ہے۔