بلوچستان میں دہشتگردوں کے حملے میں سات فوجی شہید

آئی ایس پی آر کے مطابق بلوچستان کے علاقے ہرنائی میں دہشت گردوں نے چیک پوسٹ پر حملہ کردیا، فائرنگ کے تبادلے میں 7 ایف سی اہلکار شہید ہوگئے۔ آپریشن میں بڑی تعداد میں اسلحہ، گولیاں تحویل میں لے لیئے گئے۔ ایف سی اہلکار دہشت گردوں کا حملہ روکتے ہوئے شہید ہوئے۔

علاقے کو مکمل طور پر گھیرے میں لے لیا گیا۔ دہشتگردوں کی گرفتاری کیلئے تمام راستے بند کردیئے گئے ہیں۔ سیکیورٹی فورسز کا سرچ اینڈ کلیئرنس آپریشن جاری ہے۔ دہشت گردوں کی بزدلانہ کارروائیاں امن کو سبوتاژ نہیں کرسکتیں۔