مسلم لیگ ن کے سینیئر رہنماءسینیٹر مشاہد اللہ خان انتقال کرگئے

شیعہ نیوز (پاکستانی شیعہ خبر رساں ادارہ) مسلم لیگ نواز کے سینیئر رہنماءسینیٹر مشاہد اللہ خان طویل علالت کے بعد انتقال کر گئے۔

سینیٹرمشاہد اللہ خان کافی عرصے سے علیل تھے۔ ان کی وفات کی تصدیق سابق گورنر سندھ اور مسلم لیگ نواز کے رہنماء محمد زبیر عمر نے کی۔

یہ خبر بھی پڑھیں کراچی، آرمی چیف کا پی اے ایف کالج اور سی او ڈی کا دورہ

مشاہد اللہ خان کی عمر 68 برس تھی۔ وہ نواز شریف کے آخری دورِ حکومت میں ماحولیاتی تبدیلی کے وفاقی وزیر رہے اور 2009ء سے پارٹی کی ٹکٹ پر مسلسل سینیٹر چلے آرہے تھے۔

مشاہد اللہ خان کی پیدائش راولپنڈی کی تھی لیکن وہ اپنی زندگی کا بڑا حصہ کراچی میں رہے اور یہاں سے مسلم لیگ نواز کی ٹکٹ پر الیکشن بھی لڑتے رہے۔ یہ 1990ء سے مسلم لیگ کا حصہ تھے۔