شیعہ جبری گمشدگیاں جاری، ملتان سے ایک اور عزادار کو لاپتہ کردیا گیا

شیعہ نیوز (پاکستانی شیعہ خبر رساں ادارہ) وطن عزیزپاکستان میں محب وطن ملت جعفریہ کے جوانوں کی جبری گمشدگیوں کا سلسلہ نہ رک سکا ، رحیم یار خان سے ایک اور شیعہ عزادار سید علی رضا زیدی کو لاپتہ کردیا گیا۔

تفصیلات کےمطابق مجلس وحدت مسلمین جنوبی پنجاب کےسیکریٹری تنظیم سازی سید علی رضا زیدی کو دوپہر تین بجے اُن کے آبائی گائوں راجن پور سے جبری طور پر لاپتہ کردیا گیا۔

میڈیا سے گفتگو کرتے ہوئے ایم ڈبلیو ایم جنوبی پنجاب کے صوبائی سیکرٹری جنرل علامہ اقتدار حسین نقوی نے کہا کہ ایک طرف ہمارا پُرامن احتجاج جاری ہے جبکہ دوسری جانب ہمارے نوجوانوں کو لاپتہ کیا جا رہا ہے۔

یہ خبر بھی پڑھیں گورنر ہاؤس پر لاپتہ شیعہ عزاداروں کے بچوں کا احتجاج جاری

انہوں نے کہا کہ ریاست ہمیں مجبور کر رہی ہے، ہم پُرامن قوم ہیں، ریاست ہمارا امتحان نہ لے، اگر ہم سڑکوں پر نکل آئے تو ایک نئی تاریخ رقم ہوگی، حکومت ہماری امن پسندی کو کمزوری سمجھ رہی ہے، لگتا ہے کہ حکومت کو امن کی بات سمجھ نہیں آتی، 20روز گزر گئے ہماری مائیں، بہنیں اور بیٹیاں اپنے پیاروں کے لیے مزار قائد پر بانی پاکستان سے اپنے پیاروں کا جرم پوچھ رہی ہیں۔؟ کسی حکمران کو ابھی تک یہ توفیق نہیں ہوئی کہ ان کے دکھوں کا کوئی مداوا کرسکے۔

گذشتہ روز ننھے بچوں نے گورنر ہائوس کے باہر احتجاج کیا اور مراسلہ دینے گئے لیکن ان بے حس حکمرانوں کو ان بچوں پر بھی رحم نہ آیا۔ ہم حکومت اور ریاستی اداروں سے اپنے لاپتہ افراد کی بازیابی کا مطالبہ کرتے ہیں، بصورت دیگر ملک گیر تحریک ایک نئی تاریخ رقم کرے گی۔

یاد رہے کہ گزشتہ 20 روز سے مزار قائد پر شیعہ جبری گمشدگان کے اہل خانہ اپنے پیاروں کی زابیزابی کیلیئے دھرنا دیے بیٹھے ہیں تاہم بے حس حکمران چین کی نیند سورہے ہیں۔