محرم میں سیکیورٹی انتظامات، ایم ڈبلیو ایم وفد کی ایڈیشنل آئی جی کراچی سے ملاقات

شیعہ نیوز (پاکستانی شیعہ خبر رساں ادارہ) مجلس وحدت مسلمین پاکستان کراچی ڈویژن کے وفد نے ڈویژنل سیکرٹری جنرل علامہ محمد صادق جعفری کی قیادت میں ایڈیشنل آئی جی کراچی عمران یعقوب منہاس سے سی سی پی او آفس میں ملاقات کی۔

ملاقات کے دوران محرم الحرام کی آمد کے موقع پر شہر کراچی میں عزاداری کی سیکیورٹی، فرقہ وارانہ ہم آہنگی کو برقرار رکھنے کے لئے مضبوط کورآڈینیش کی ضرورت اور علمائے کرام اور ذاکرین عظام پر من گھڑت ایف آئی آرز کے سلسلے کی روک تھام پر تفصیلی بات چیت کی گئی۔

یہ خبر بھی پڑھیں یکساں قومی نصاب متنازع ہے، مشترکات پر توجہ دی جائے، وفاق المدارس الشیعہ

مجلس وحدت مسلمین کراچی کے وفد نے محرم الحرام سے قبل علمائے کرام کی سیکیورٹی واپس لینے پر تشویش کا اظہار کیا۔ ملاقات میں ایڈیشنل آئی جی کراچی عمران یعقوب منہاس کی جانب سے وفد کو مسائل کے حل کی یقین دہانی کرائی گئی۔

وفد میں علامہ مبشر حسن، مولانا آل حسن، عسکری رضا، میر تقی ظفر اور زین رضوی شامل تھے۔