ایم ڈبلیو ایم کی نئی مرکزی کابینہ کا انتخاب آج متوقع

مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے منتخب ہونے کے بعد نئی کابینہ کے حوالے سے اہم اجلاس اسلام آباد مرکزی سیکرٹریٹ میں طلب کرلیا ہے۔ اجلاس میں سابقہ کابینہ اور کچھ نئے افراد شریک ہیں۔ ذرائع کا کہنا ہے کہ اجلاس میں نئی کابینہ کے حوالے سے اہم مشاورت کا سلسلہ جاری ہے اور امید ہے کہ نئی کابینہ کا آج رات ہی اعلان کردیا جائے جائیگا۔ تنظیمی ذرائع کا کہنا ہے کہ نئی کابینہ میں بڑے پیمانے پر تبدیلی کا امکان ہے۔ گذشتہ کابینہ میں جن افراد نے فعالیت نہیں دکھائی، انہیں اس بار کابینہ میں شامل نہیں کیا جائیگا۔