پرامن اربعین واک کے عزاداروں پر مقدمات قابل مذمت ہیں، آئی ایس او

شیعہ نیوز:امامیہ اسٹوڈنٹس آرگنائزیشن پاکستان کے مرکزی جنرل سیکرٹری محمد عباس نے کہا ہے کہ پرامن اربعین واک کے عزاداروں پر مقدمات قابل مذمت ہیں، اربعین واک کرنا ہمارا حق ہے۔ سوشل میڈیا پر جاری کردہ اپنے بیان میں ان کا کہنا تھا کہ بانی پاکستان قائداعظم محمد علی جناح کی فکر اور آئین و قانون کے مطابق پاکستان بھر میں اربعین کی مناسبت سے واک کرنا ہمارا بنیادی حق ہے۔ محمد عباس نے مطالبہ کیا کہ لاکھوں پرامن اور محب وطن شہریوں پر بےبنیاد اور جانبدارانہ مقدمات کو فی الفور ختم کیا جائے۔