ذاکر جعفر جتوئی نے توہین خدا و انبیاء پر مبنی تقاریر پر معافی مانگ لی

شیعہ نیوز (پاکستانی شیعہ خبر رساں ادارہ) معروف ذاکر جعفر جتوئی نے اپنی گزشتہ تقاریر میں خدا، رسول خدا ، ائمہ ؑ کی توہین پر معافی مانگ لی۔

اپنی ویڈیو میں ذاکر جعفر جتوئی نے کہا کہ میری تقاریر میں دانستہ و نا دانستہ خدا، رسول ، ائمہ طاہرین اور علماء کی توہین ہوئی جس پر میں اللہ تعالی ، رسول خداﷺ، ائمہ طاہرین ؑ اور مومنین سے معافی مانگتا ہوں۔

یہ خبر بھی پڑھیں پاکستان اپنے قومی ہیرو اور ایک عظیم محسن سے محروم ہو گیا۔ علامہ راجہ ناصر عباس جعفری‎‎

جعفر جتوئی نے کہا کہ علماء کرام مومنین بالخصوص چکوال کے مومنین کی مہربانی ہے کہ جن کی بدولت یہ معاملہ احسن طریقے سے حل ہوا ۔

مومنین کی جانب سے ذاکر جعفر جتوئی کے اس عمل پر اطمینان اور کوشی کا اظہار کیا گیا ہے کہ وہ اس جانب متوجہ ہوئے اور آئندہ اپنی تقاریر میں ایسی کوئی بات نہ کرنے کا بھی عہد کیا ہے۔