پشاور، اشتہاری ملزمان کی فائرنگ سے2 پولیس اہلکار شہید

شیعہ نیوز (پاکستانی شیعہ خبر رساں ادارہ) پشاور میں اشتہاری ملزمان کے خلاف آپریشن میں 2پولیس اہلکار شہید ہو گئے۔

تفصیلات کے مطابق پشاور کے علاقے حیات آباد میں اشتہاری ملزمان کی موجودگی پر گزشتہ رات پولیس نے آپریشن کیا۔

اشتہاری ملزمان کی فائرنگ سے اے ایس آئی ریاض خان اور کانسٹیبل جعفر شہید ہو گئے۔

یہ خبر بھی پڑھیں شام کے ساتھ تعلقات کو فروغ دینے میں پاکستان دلچسپی رکھتا ہے: صدر مملکت

جائے وقوعہ سےدو مشتبہ ملزمان کو گرفتار کر لیا گیا ہے جبکہ فرار اشتہاری ملزمان کی گرفتاری کے لئے چھاپے مارے جا رہے ہیں۔

حیات آباد مقابلے میں شہید 2 پولیس اہلکاروں کی نمازجنازہ ادا کر دی گئی ہے۔ آئی جی پشاور معظم جاہ انصاری، سی سی پی او پشاور سمیت اعلی افسران نے نماز جنازہ میں شرکت کی۔