سی ٹی ڈی کی کاروائی، کالعدم جماعت کا مطلوب دہشتگرد گرفتار

شیعہ نیوز ( پاکستانی شیعہ خبر رساں ادارہ) سی ٹی ڈی کراچی نے قانون نافذ کرنے والے اداروں کے ہمراہ پشاور میں کاروائی کرتے ہوئے دہشت گردی کے واقعات میں مطلوب بھارت نواز کالعدم جماعت کے اہم کمانڈر کو گرفتار کر لیا۔

سی ٹی ڈی ذرائع کے مطابق انسدادِ دہشت گردی ونگ (سی ٹی ڈی) کراچی کی ٹیم پشاور پہنچی، جہاں اس نے کارروائی کرتے ہوئے مذکورہ ملزم کو گرفتار کیا ہے۔ ذرائع کا کہنا ہے کہ حراست میں لیے گئے ملزم کو کراچی منتقل کیا جائے گا۔

یہ خبر بھی پڑھیں کیچ میں سیکیورٹی فورسز کی چیک پوسٹ پر حملہ، 10 اہلکار شہید

سی ٹی ڈی ذرائع نے بتایا کہ گرفتارملزم بلوچستان میں دہشت گردی اور فرقہ وارانہ وارداتوں میں ملوث ہے۔

ذرائع نے یہ بھی بتایا ہے کہ گرفتار ملزم کے 2 ساتھی چند روز قبل گھوٹکی میں مبینہ مقابلے کے دوران مارے گئے تھے۔