سکھر، جمعۃ الوداع کوایم ڈبلیو ایم کی جانب سے عالمی یوم القدس ریلی نکالی جائیگی

شیعہ نیوز (پاکستانی شیعہ خبر رساں ادارہ) مجلس وحدت مسلمین سکھر کے سیکریٹری جنرل چوہدری اظہر حسین نے کہا ہے کہ کل 27 رمضان المبارک جمعتہ الوداع کو دنیا بھر کی طرح پاکستان کے شہر سکھر میں بھی عالمی یوم القدس کی مناسبت سے ایم ڈبلیو ایم کے تحت عالمی یوم القدس ریلی نکالی جائے گی۔

سکھر پریس کلب میں صحافیوں سے گفتگو کرتے ہوئے ان کا کہنا تھا کہ موجودہ عالمی حالات میں عالمی یوم القدس کی اہمیت اور بھی بڑھ جاتی ہے جب متعدد عرب ممالک اسرائیل کے ساتھ تعلقات استوار کرکے فلسطین اور کشمیر کے مسئلے کو نارمل کرنے کی کوشش کررہے ہیں، جس کی ہم شدید مذمت کرتے ہیں۔

یہ خبر بھی پڑھیں لاہور، مظلوم فلسطینیوں سے یکجہتی کیلئے بائیک اور کار ریلی

چوہدری اظہر کا کہنا تھا کہ امریکا اسرائیل کی سازشیں اسلامی ممالک میں کھل کر سامنے آچکی ہے، ملت اسلامیہ عرب ممالک کے اسرائیل کے ساتھ تعلقات کو ہرگز قبول نہیں کرتے، امام خمینیؒ نے 40 سال قبل ان شیاطین کیخلاف نعرہ لگایا تھا جس نے آج پوری دنیا کو بیدار کردیا ہے۔