صاحبزادہ حامد رضا کی زیرقیادت 30 سے زائد اہل سنت مفتیان کرام کی عمران خان سے ملاقات

شیعہ نیوز:: سنی اتحاد کونسل پاکستان اور متحدہ علماء بورڈ پنجاب کے چیئرمین صاحبزادہ حامد رضا کی قیادت میں 30 سے زائد مفتیانِ کرام کے وفد نے سابق وزیراعظم عمران خان سے بنی گالا میں اہم تفصیلی ملاقات کی۔ ملاقات میں سابق وزیر خارجہ شاہ محمود قریشی، سینیٹر شبلی فراز بھی موجود تھے۔مفتیانِ کرام نے عمران خان کی اسلام کے حوالہ سے تاریخی خدمات پر خراج تحسین پیش کیا۔ صاحبزادہ حامد رضا نے عمران خان سے الگ سے بھی ون ٹو ون ملاقات کی۔ ملاقات میں لانگ مارچ اور موجودہ صورتحال پر حکمت عملی مرتب کی گئی۔ عمران خان نے صاحبزادہ حامد رضا کی بین المذاہب ہم آہنگی کے حوالے سے کوششوں کو بھی سراہا۔