ڈی آئی خان، امام بارگاہ غازی عباس کا سنگ بنیاد رکھ دیا گیا

شیعہ نیوز (پاکستانی شیعہ خبر رساں ادارہ) ڈیرہ اسماعیل خان کی تحصیل پہاڑ پور علاقہ امیر شاہ سادات میں امام بارگاہ غازی عباسؑ کا سنگ بنیاد رکھ دیا گیا۔

امام بارگاہ کی سنگ بنیاد کی تقریب کے مہمان خصوصی شیعہ علماء کونسل پاکستان کے مرکزی نائب صدر علامہ محمد رمضان توقیر تھے۔اس موقع پر مولانا سید طاہر حسین شاہ نجفی، سابق ضلعی صدر ایس یو سی مولانا کاظم حسین، تحصیل پہاڑ پور کے آرگنائزر مولانا حسن وحیدی بھی ہمراہ تھے۔

یہ خبر بھی پڑھیں پاک فوج سے نعرہ حیدری نکالنے والے نصابی کتب سے آل محمدؑ کا ذکر نکالنا چاہتے ہیں

تقریب میں پہنچنے پر علاقہ امیر شاہ سادات کے سادات، مومنین اور معززین نے علامہ محمد رمضان توقیر و دیگر علمائے کرام کا بھرپور استقبال کیا۔ علامہ محمد رمضان توقیر نے امام بارگاہ کا سنگ بنیاد رکھا اور دعا کرائی، اس موقع پر معززین علاقہ کثیر تعداد میں موجود تھے۔