جنرل عاصم منیر کا بلوچستان کے ساحلی شہر گوادر کا دورہ

شیعہ نیوز (پاکستانی شیعہ خبر رساں ادارہ) پاک فوج کے سپہ سالار جنرل عاصم منیر نے بلوچستان کے ساحلی شہر گوادر کا دورہ کیا۔ اس موقع پر انہوں نے بلوچستان کیلئے متعدد منصوبوں کا اعلان کیا۔

آئی ایس پی آر کے مطابق آرمی چیف جنرل سید عاصم منیر نے اس موقع پر خطاب کرتے ہوئے کہا کہ مٹھی بھر گمراہ عناصر کو بلوچستان کا امن تباہ نہیں کرنے دیں گے۔ عوام اور مسلح افواج کا امن و استحکام کیلئے عزم غیرمتزلزل ہے۔

یہ خبر بھی پڑھیں عمران خان کی تقاریراور بیانات نشر کرنے پر پابندی کا حکم معطل

گوادر کے دورہ کے موقع پر آرمی چیف کو فارمیشن کے پیشہ وارانہ امور، سی پیک سے متعلقہ امور، سکیورٹی اور آپریشنل تیاریوں، منصوبوں کیلئے پرامن اور محفوظ ماحول یقینی بنانے کی کوششوں پر بریفنگ دی گئی۔