تمام مسالک کو اپنے عقائد کے مطابق زندگی بسر کرنے اور عبادات کی مکمل آزادی ہے: امن کمیٹی

انہوں نے یقین دلایا کہ پورے صوبے میں حکومت کی رٹ قائم ہے اور شاہراہ قراقرم کو مسافروں کے لیے مکمل طور پر محفوظ بنانے کے لیے سکیورٹی فورسز تعینات کروائی گئی ہیں۔ شاہراہ پر مسافروں کی جان کو محفوظ بنانے کی حکومت ضمانت دیتی ہے۔ علامہ شیخ محمد حسن جعفری نے اس موقع پر کہا کہ ہم نے خطے کو ڈوگرہ استبداد سے خود سے آزاد کرا کے پاکستان کے ساتھ الحاق کیا۔ ہم خود شہداء کے وارث ہیں اور وطن کی سلامتی کے لیے قربانیاں دیتے رہے ہیں۔ ہم نے 88ء کی فرقہ وارانہ لشکر کشی، سانحہ چلاس، سانحہ کوہستان اور سانحہ لولوسر کے بعد جب مسخ شدہ لاشیں آئیں تب مشکل حالات میں بھی یہاں امن برقرار رکھا اور اب حالیہ کشیدگی کے باوجود بھی بلتستان میں دیگر مسالک کے لوگ امن و سکون سے کاروبار زندگی جاری رکھے ہوئے ہیں۔

 ہمارے مجتہدین کی تعیلمات کے مطابق اہلسنت کو نہ صرف بھائی بلکہ اپنی جان سمجھتے ہیں جس کا اظہار علمائے بلتستان کے اجلاس منعقدہ 21 اگست میں کیا جا چکا ہے۔ انہوں نے کہا بھارت میڈیا پر سکردو میں ہونے والے مظاہروں سے متعلق ہرزہ سرائی اور منفی پروپیگنڈوں کی ہم بھرپور مذمت کرتے ہیں۔ ہم نے وطن عزیز پاکستان کے لیے قربانیاں دی ہیں اور دیتے رہیں گے۔ قیام امن کے لیے ہر ممکن تعاون اور مثبت کردار ماضی کی طرح ادا کرنے کے عزم کا اظہار کیا گیا۔

ملاقات میں شریک انجمن امامیہ کے ارکان میں علامہ شیخ محمد حسن جعفری، آغا سید علی رضوی، شیخ فدا حسن عبادی، شیخ زاہد حسین زاہدی، شیخ ذوالفقار علی انصاری، سید قمر عباس الحسینی، محمد حسن حسرت، وزیر حامد حسین، منشی محمد یوسف، زاہد عباس ایڈووکیٹ شامل تھے جبکہ حکومت امن کمیٹی میں وزیر داخلہ شمس لون، سنیر وزیر سید امجد زیدی، سینئر وزیر بلدیات حاجی عبد الحمید، وزیر خزانہ انجینئر محمد اسماعیل، وزیر زراعت انجنیئر محمد انور، وزیر خوراک غلام محمد، وزیر قانون سہیل عباس، سابق وزیر سیاحت راجہ ناصر علی خان، رکن اسمبلی سابق وزیر ایوب وزیری، کمشنر بلتستان شجاع عالم، ڈپٹی انسپکٹر جنرل پولیس بلتستان فرخ رشید، ڈپٹی کمشنر سکردو شہر یار شیرازی، ایس ایس پی سکردو راجہ مرزا حسن خان موجود تھے۔