پشاور، علامہ جہانزیب جعفری کی پاراچنار میں زخمی ہونے والوں مومنین کی عیادت

شیعہ نیوز: مجلس وحدت مسلمین صوبہ خیبر پختونخوا کے صدر علامہ جہانزیب علی جعفری نے لیڈی ریڈنگ ہسپتال پشاور کادورہ کیا۔ علامہ جہانزیب علی جعفری نے اسپتال میں تکفیری دہشت گردوں کے حملوں میں پاراچنار سے لائے گئے زخمی مومنین کی عیادت کی اور ان کی خیریت دریافت کی۔ اس موقع پر انہوں نے تمام زخمیوں کی جلد مکمل صحت یابی کی دعا کے ساتھ ساتھ اسپتال انتظامیہ سے تمام زخمیوں کو مکمل سہولیات کی فراہمی کا بھی مطالبہ کیا۔