اسرائیلی فوج نے چند گھنٹوں میں غزہ میں 17 بار ہولناک قتل عام کیے، ڈاکٹر القدرہ

شیعہ نیوز: غزہ میں وزارت صحت کے ترجمان ڈاکٹر اشرف القدرہ نے کہا ہے کہ قابض اسرائیلی ریاست نے گذشتہ گھنٹوں کے دوران غزہ کی پٹی کے تمام علاقوں میں 17 ہولناک قتل عام کیے۔

انہوں نے زور دے کر کہا کہ اسرائیلی فوج شمالی غزہ میں صحت کی خدمات کو ختم کرنے، ہسپتالوں کو تباہ کرنے اور انہیں خدمات سے محروم کرنے کے بعد وہاں پر ہولناک قتل عام اور نسل کشی کر رہی ہے۔

القدرہ نے جارحیت کے 74 ویں دن ہیلتھ کانفرنس میں مزید کہا کہ گذشتہ گھنٹوں کے دوران 214 شہداء اور 300 زخمی ہسپتالوں میں پہنچے اور متاثرین کی ایک بڑی تعداد اب بھی ملبے تلے اور سڑکوں پر ہے۔ گذشتہ سات اکتوبر سے اسرائیلی جارحیت میں 19,667 شہید اور 52,586 زخمی ہوئے۔

یہ بھی پڑھیں : القسام بریگیڈ کے راکٹ حملےمیں 8 صہیونی فوجی جہنم واصل، ٹینک گاڑیاں تباہ

انہوں نے وضاحت کی کہ اسرائیلی فوج شمالی غزہ میں صحت کی سہولیات کو ختم کرنے کے لیے حملے کررہی ہے۔ اس کا مقصد 800,000 لوگوں کو بے گھر کرنا ہے اور ہزاروں زخمیوں، حاملہ خواتین، بچوں اور دائمی مریضوں کو صحت کی خدمات سے محروم کرنا ہے۔

انہوں نےغزہ میں ہونے والے مجرمانہ قتل عام پر عالمی برادری کی مجرمانہ خاموشی کی شدید مذمت کی۔

القدرہ نے کہا کہ پوری دنیا دیکھ رہی ہے کہ شمالی غزہ میں اسرائیلی قابض افواج کی طرف سے صحت کی خدمات کو کیسے ختم کرنے کے بعد قتل عام کو دنیا کی آنکھوں سے دیکھ اور کانوں سے سن رہی ہے مگر وہ اس پر آنکھیں بند کیے بیٹھی ہے۔

انہوں نے زور دیا کہ امریکی انتظامیہ کا اقوام متحدہ کے اداروں میں غزہ کے خلاف جارحیت کو جاری رکھنے پر اصرار اور اس کی جارحیت کو قانونی حیثیت دینا، بچوں، خواتین، طبی عملے اور صحافیوں کے قتل میں ملوث ہونا، غزہ کی پٹی کو تباہ وبرباد کرنے کے وحشیانہ عمل کے لیے ویٹو پاور کا استعمال کرنا فلسطینیوں کے خلاف جرائم میں شراکت دار ہونے کے مترادف ہے۔

انہوں نے کہا کہ جنوبی غزہ کے ہسپتال بڑی تعداد میں زخمیوں کی مسلسل بڑھتی تعداد کے سامنے بے بس ہیں اور محدود طبی، طبی اور انسانی وسائل کے ساتھ زخمیوں کی جانیں بچانے کی جدو جہد کررہے ہیں۔