غزہ میں اہداف ناقابل حصول، نیتن یاہو سے جان چھڑانا ضروری ہے، ایہود اولمرٹ
شیعہ نیوز: سابق صہیونی وزیراعظم ایہود اولمرٹ نے نیتن یاہو کو فریب کار قرار دیتے ہوئے غزہ میں فوری جنگ بندی کا مطالبہ کیا ہے۔
رپورٹ کے مطابق الجزیرہ نے کہا ہے کہ سابق اسرائیلی وزیراعظم ایہود اولمرٹ نے غزہ کے خلاف جارحیت اور مسلسل حملوں پر صہیونی وزیراعظم نیتن یاہو کو شدید تنقید کا نشانہ بنایا ہے۔
انہوں نے کہا ہے کہ غزہ میں نیتن یاہو کے اہداف حاصل کرنا ناممکن ہے لہذا فوری طور پر جنگ بندی کرنا چاہئے۔
اولمرٹ نے کہا کہ اسرائیل کو فریب کار نیتن یاہو سے جلد اپنی جان جھڑانا ہوگا۔ انہوں نے سیاسی فریب کاری اور نیرنگ بازی کرتے ہوئے صرف جھوٹ بولا ہے۔ نیتن یاہو کے اہداف حاصل ہونے کا کوئی چانس نہیں ہے۔
یہ بھی پڑھیں : جنیوا، انسانی حقوق کے بین الاقوامی اداروں کی عمارت میں اسرائیلی وفد کی موجودگی سوالیہ نشان بن گئی
دراین اثناء عبرانی میڈیا نے رپورٹ دی ہے کہ غزہ میں فلسطینی مجاہدین کے ہاتھوں صہیونی فوج کو ہونے والے نقصانات ناقابل تلافی ہیں۔ مسلح افواج کی بڑی تعداد غزہ میں اپنی جانوں سے ہاتھ دھوچکی ہے۔
بعض صہیونی ذرائع ابلاغ کے ذریعے ہونے والے انکشافات کے مطابق غزہ میں صہیونی فوج شدید نقصان اٹھانے کے بعد افراتفری کا شکار ہے۔ صہیونی حکام کے دعووں کے برعکس حماس کو اب تک شکست نہیں دی جاسکی ہے۔
دوسری جانب حزب اللہ نے شمالی سرحدوں پر اپنی مرضی کے مطابق میزائل اور راکٹ حملے کئے ہیں۔ صہیونی میڈیا نے تشویش کا اظہار کیا ہے کہ طوفان الاقصی کے بعد شروع ہونے والے نقصانات کا سلسلہ جاری ہے اور مزید بری خبریں سننے کو ملنے والی ہیں۔
