روسی صدر کی جانب سے کرمان کے حادثے پر رہبر انقلاب اور صدر رئیسی کو تعزیت

شیعہ نیوز: روسی صدر نے کرمان میں دہشت گردی کے واقعے پر رہبر انقلاب آیت اللہ العظمیٰ خامنہ ای اور صدر رئیسی کو تعزیت پیش کی ہے۔

رپورٹ کے مطابق اسپوٹنک نے کہا ہے کہ روس کے صدر ولادیمیر پوٹن نے بدھ کے روز کرمان میں پیش آنے والے دہشت گردی کے واقعے پر رہبر انقلاب اسلامی آیت اللہ العظمیٰ سید علی خامنہ ای کو تعزیت پیش کی ہے۔

یہ بھی پڑھیں : امریکی الزامات بے بنیاد، مقاومتی تنظیمیں ایرانی مسلح افواج سے وابستہ نہیں، ایروانی

روسی صدر کے دفتر سے جاری ایک بیان میں صدر پوٹن نے کرمان واقعے بے گناہوں لوگوں کی شہادت پر رہبر انقلاب اسلامی، صدر رئیسی اور ایرانی عوام کو تعزیت پیش کرتے ہوئے واقعے کی شدید مذمت کی ہے۔

یاد رہے کہ کرمان کے گلزار شہداء میں ہونے والے حادثے میں دو دھماکے ہوئے تھے جس کے نتیجے میں سو سے زیادہ شہید اور اتنے ہی زخمی ہوگئے ہیں۔