لبنان سے حزب اللہ کے صہیونی دفاعی تنصیبات پر شدید حملہ
شیعہ نیوز: مقبوضہ فلسطین کی شمالی سرحدوں پر حزب اللہ کی جانب سے صہیونی فوجی اور دفاعی تنصیبات پر حملہ کیا گیا ہے۔
رپورٹ کے مطابق عبرانی ذرائع ابلاغ نے کہا ہے کہ جنوبی لبنان کے ساتھ ملحقہ صہیونی فوجی اور دفاعی تنصیبات پر حزب اللہ نے شدید حملے کئے ہیں۔
یہ بھی پڑھیں : آیت اللہ العظمیٰ خامنہ ای کی جانب سے شیخ محسن علی نجفی کی رحلت پر پیغام
مقاومتی تنظیم کے ایک بیان میں کہا گیا ہے کہ سرحدی قصبے المرج میں صہیونی فوج کے ٹھکاںوں اور دفاعی تنصیبات پر حملہ کیا گیا۔
دراین اثناء المیادین کے نامہ نگار نے کہا ہے کہ شمالی سرحد پر واقع صہیونی بستی جرداح پر بھی لبنان سے میزائل اور مارٹر گولے داغے گئے ہیں جس کے نتیجے دفاعی اور فوجی تنصیبات کو شدید نقصان پہنچا ہے۔
یاد رہے کہ غزہ پر صہیونی فوج کے وحشیانہ حملوں کے بعد مقاومتی تنظیموں نے مختلف محاذوں پر غاصب صہیونی فوج کے خلاف کاروائیاں کرنے کا اعلان کررکھا ہے۔
