طوفان الاقصی کا 101 واں دن، حزب اللہ کی طرف سے اسرائیل پر 4 حملے

شیعہ نیوز: لبنانی تنظیم حزب اللہ نے صہیونی حکومت کے خلاف اپنی کارروائیوں کو جاری رکھتے ہوئے مسلسل آٹھویں دن صہیونی ٹھکانوں پر کئی حملے کئے ہیں۔

فلسطینی اور لبنانی ذرائع ابلاغ نے کہا ہے کہ حزب اللہ نے صہیونی فوج کے خلاف کاروائیوں میں شدت لاتے ہوئے گذشتہ روز چار میزائل حملے کئے ہیں۔

یہ بھی پڑھیں : انقرہ حماس کا دایاں بازو بنا ہوا ہے، صیہونی وزیر جنگ کی اشتعال انگیز بیان بازی

تنظیم کی جانب سے ایک بیان جاری کیا گیا ہے جس میں بتایا گیا ہے کہ غزہ کے نہتے اور مظلوم عوام کے ساتھ یکجہتی کے سلسلے میں حزب اللہ کے جوانوں نے المالکیہ قصبے میں واقع صہیونی فوجی مقامات پر حملے کئے ہیں۔

بیان میں کہا گیا ہے کہ گذشتہ روز شبعا کے فارم ہاوسز کے ارد گرد واقع صہیونی مقامات پر میزائل حملہ کیا گیا ہے۔

المیادین کے نامہ نگار نے میدان جنگ سے خبر دی ہے کہ الضھیرہ اور حانیتا کے قصبوں میں حزب اللہ کے میزائل لگ گئے ہیں۔

دوسری طرف حزب اللہ کے حملوں کے بعد جواب کاررورائی کرتے ہوئے جنوبی لبنان کے کئی مقامات کو نشانہ بنایا ہے۔