پی سی بی غزہ کے شہید معصوم بچوں کے خون کی سوداگری سے گریز کرے، آئی ایس او

شیعہ نیوز: امامیہ اسٹوٖنٹس آرگنائزیشن پاکستان کراچی ڈویژن کے صدر ظفر حیدر نے کہا ہے کہ پاکستان سپر لیگ کی جانب سے کے ایف سی کے ساتھ اشتراک کرنا پاکستان کی عوام کو قبول نہیں، یہ ایسا ہی ہے کہ جیسے پاکستان کی عوام کو غزہ کے  شہید معصوم بچوں کا قاتل بنا دیا گیا ہو۔ سوشل میڈیا پر جاری کردہ اپنے بیان میں صدر آئی ایس او کراچی نے کہا کہ غزہ پر اسرائیلی جارحیت کے بعد پاکستانی عوام نے امریکی اور اسرائیلی حمایت یافتہ ہر پراڈکٹ کے بائیکاٹ کا نہ صرف اعلان کیا بلکہ اس کو عملی جامہ بھی پہنایا، پاکستان کرکٹ بورڈ کو اس ملک کی عوام کا ترجمان ہونا چاہیئے اور ایسے ہر اقدام سے گریز کرنا چاہیئے جو اسرائیل کی حمایت اور پاکستان کی عوام کی امنگوں کے قتل کے مترادف ہو۔