میدان جنگ میں ناکام دشمن کی سیاسی چالیں بھی ناکام ہوں گی، اسماعیل ھنیہ

شیعہ نیوز: اسلامی مزاحمتی تحریک حماس کے سیاسی بیورو کے سربراہ اسماعیل ہنیہ نے زوردے کر کہا ہے کہ جو چیز دشمن اور امریکہ میدان میں مسلط نہیں کر سکے وہ سیاسی سازشوں اور چالوں کے ذریعے حاصل نہیں کریں گے۔

ھنیہ نے القدس انٹرنیشنل فاؤنڈیشن کی سالانہ رپورٹ کے اجراء کے موقع پر اپنے خطاب میں کہا: کہ ہم صیہونیوں اور ان کی جارحیت میں ان کے ساتھی امریکہ کو یقین دلاتے ہیں کہ جس چیز کو وہ میدان میں مسلط کرنے میں ناکام رہے ہیں اسے وہ اپنی سیاسی چالوں سےحاصل نہیں کرسکیں گے۔

انہوں نے کہا کہ فلسطینی قوم اورحماس دشمن کے کسی فریب میں نہیں آئیں گے۔

یہ بھی پڑھیں : سخت مذاکرات کی جنگ لڑ رہے ہیں، معاہدے تک نہیں پہنچ سکے، محمد نزال

اسماعیل ھنیہ نے زور دے کر کہا کہ فلسطینی تحریک مزاحمت نے طاقت کے عدم توازن کے باوجود تاریخی بہادری کے ساتھ اسرائیلی جارحیت کا مقابلہ کیا۔

انہوں نے نشاندہی کی کہ فلسطینی مزاحمت نے غزہ اور اس کے شمال سے نقل مکانی کے منصوبوں کو ناکام بنا دیا اور ہمارے سات لاکھ لوگ اب بھی وہاں تعینات ہیں۔

اسماعیل ھنیہ نے زور دیا کہ مزاحمت قربانیوں کے ساتھ وفادار رہے گی اور قابض دشمن کی شکست تک ان پر استوار رہے گی اور اپنے عوام اور قوم کی ثابت قدمی پر قائم رہے گی۔

انہوں نے زور دیا کہ مزاحمت کے ہاتھوں قابض کےدشمن شدید ترین لڑائیوں کا سامنا کر رہی ہے جب اس نے اپنے زمینی آپریشن کے نتائج کو جانچنے کی کوشش کی۔

اسماعیل ھنیہ نے مزید کہا کہ جنگ اپنے 145ویں دن کو مکمل کر چکی ہے اور صہیونی غاصب انسانیت کے لیے سب سے زیادہ ہولناک جرائم کو انجام دے رہا ہے۔

ان جرائم میں قتل، وغارت گری، نقل مکانی، تشدد، ماورائے عدالت قتل عام، ہسپتالوں اور قبل از وقت پیدا ہونے والے بچوں کے خلاف جارحیت، فاقہ کشی اور دیگر سنگین جرائم شامل ہیں۔