امریکہ، صدر جوبائیڈن طبی معائنے کے لئے ہسپتال میں داخل

شیعہ نیوز: امریکی ذرائع کے مطابق صدر جوبائیڈن کو طبی معائنے کے لئے فوجی ہسپتال منتقل کیا گیا ہے۔

رائٹرز نے کہا ہے کہ وائٹ ہاؤس کے مطابق امریکی صدر جوبائیڈن کی صحت خراب ہونے کے بعد طبی معائنے کے لئے فوجی ہسپتال والٹر ریڈ منتقل کیا گیا ہے جہاں ڈاکٹرز ان کی صحت کا جائزہ لیں گے۔

یہ بھی پڑھیں : ماسکو میں حماس اور الفتح کے نمائندوں کی ملاقات متوقع، روسی ذرائع

ذرائع کے مطابق صدر جوبائیڈن کو ہیلی کاپٹر کے ذریعے میری لینڈ کے فوجی ہسپتال متنقل کیا گیا ہے۔

یاد رہے کہ 2024 کے صدارتی انتخابات میں صدر بائیڈن کے حریف سابق صدر ٹرمپ نے جوبائیڈن کی بڑھتی عمر اور مختلف مواقع پر ان کی عجیب و غریب حرکات اور باتوں کی بنیاد پرمذاق اڑاتے ہوئے صدارتی عہدے کے لئے ان فٹ قرار دیا ہے۔

دوسری جانب صدر جوبائیڈن نے بھی کئی مرتبہ 77 سالہ ٹرمپ کو تنقید کا نشانہ بنایا ہے۔

پرائمری انتخابات میں ٹرمپ کی حریف ریپبلیکن نکی ہیلی نے تنقید کی اس بہتی گنگا میں ہاتھ دھوتے ہوئے جوبائیڈن اور ٹرمپ دونوں کو ان کی زائد عمر کی وجہ سے صدارتی عہدے کے لئے نامناسب قرار دیا ہے۔