غزہ میں غذائی قلت اور پانی کی کمی وجہ سے 18 کم سن بچے شہید
شیعہ نیوز: فلسطینی وزارت صحت کے ترجمان ڈاکٹر اشرف القدرہ نے اعلان کیا کہ غزہ کی پٹی میں غذائی قلت اور پانی کی کمی سے شہید والوں کی تعداد 18 ہو گئی ہے۔
القدرہ نے بدھ کے روز ایک پریس بیان میں وضاحت کی کہ یہ اضافہ الشفاء میڈیکل کمپلیکس میں غذائی قلت اور پانی کی کمی کے نتیجے میں ایک 15 سالہ لڑکی کی شہادت کے بعد ہوا ہے۔
یہ بھی پڑھیں : ایران-پاکستان گیس پائپ لائن پر پیش رفت ہورہی ہے
انہوں نے خبردارکیا کہ شمالی غزہ میں قحط مہلک سطح تک پہنچ گیا ہے، خاص طور پر بچوں، حاملہ خواتین اور دائمی بیماروں میں متبلا لوگوں کے لیے خطرناک ہے۔
انہوں نے کہا کہ قحط گہرا ہوتا جا رہا ہے اور اگر جارحیت بند نہ کی گئی اور انسانی اور طبی امداد فوری طور پر داخل نہ کی گئی تو ہزاروں شہری موت سے ہمکنار ہوسکتے ہیں۔
انہوں نے نشاندہی کی کہ اسرائیلی غاصب فوج شمالی غزہ میں ہزاروں بھوکے لوگوں کے خلاف جان بوجھ کر ہولناک اور پے در پے قتل عام کر رہے ہیں۔
