لاہور سے ٹی ٹی پی، فیصل آباد سے القاعدہ کا سہولت کار گرفتار

شیعہ نیوز: سی ٹی ڈی کی جانب سے خفیہ اطلاعات پر پنجاب کے مختلف شہروں میں آپریشنز جاری ہیں۔ سی ٹی ڈی نے 229 آپریشنز کئے۔ انٹیلی جنس بیسڈ آپریشن کے دوران 23 دہشت گردوں کو گرفتار کر لیا گیا۔ ترجمان سی ٹی ڈی نے دعویٰ کیا ہے کہ لاہور، گوجرانوالہ، میانوالی، بہاولپور، راولپنڈی اور دیگر شہروں میں کارروائیاں کی گئیں۔ لاہور سے ٹی ٹی پی اور فیصل آباد سے القاعدہ کا اہم سہولت کار گرفتار کیا گیا ہے۔ ترجمان سی ٹی ڈی کا کہنا ہے کہ دہشت گردوں سے دھماکہ خیز مواد، ہینڈ گرنیڈ، ڈیٹونیٹر، اسلحہ، گولیاں اور نقدی برآمد ہوئی ہے۔ سی ٹی ڈی کے مطابق گرفتار ہونیوالے دہشت گرد مختلف اداروں پر حملے کی منصوبہ بندی کر رہے تھے۔ رواں ہفتے 962  کومبنگ آپریشنز کے دوران 133 مشتبہ افراد گرفتار کیے گئے، کومبنگ آپریشنز میں 37 ہزار 739 افراد سے پوچھ گچھ کی گئی۔