غزہ کے شفا استپال پر اسرائیلی قابض فوج کا وحشیانہ حملہ

شیعہ نیوز: صیہونی حکومت کے فوجیوں نے پیر کی صبح غزہ کے شفا اسپتال پر حملہ کیا اور اس مرکز صحت کا محاصرہ کرلیا۔

قطر کے الجزیرہ نیٹ ورک نے بتایا ہے کہ صہیونی فوج نے غزہ شہر کے شفا اسپتال کو بھاری توپ خانے اور فضائی حملے سے نشانہ بنایا۔

ان حملوں کے ساتھ ہی اسرائیلی قابض فوج نے اس اسپتال پر بھی گولیاں برسائیں اور اس کا محاصرہ کرلیا۔

یہ بھی پڑھیں : صیہونی پولیس کا افطار کی تیاری میں مصروف فلسطینیوں پر دھاوا

فلسطینی ذرائع نے شفا اسپتال پر صہیونی حملے میں درجنوں فلسطینیوں کے شہید اور زخمی ہونے کی خبر دی ہے۔

ان ذرائع کے مطابق اس ہسپتال کے اندر سینکڑوں بے گھر افراد، مریض، صحافی اور طبی عملے کے افراد محصور ہو کر رہ گیا ہے۔

صیہونی حکومت کا دعویٰ ہے کہ اسے ہسپتال کے اندر حماس مزاحمت کے سینئر کمانڈروں کی موجودگی کی اطلاعات موصول ہوئی ہیں۔