غزہ، صیہونی بربریت میں ابتک شہید فلسطینیوں کی تعداد 32 ہزار 975 ہوگئی

شیعہ نیوز: غزہ میں اسرائیلی بربریت جاری ہے، گذشتہ سال 2023ء کے ماہِ اکتوبر سے اب تک اسرائیلی حملوں میں شہید فلسطینیوں کی تعداد 32 ہزار 975 ہوگئی ہے۔ غزہ کی وزارتِ صحت نے بتایا ہے کہ غزہ میں اسرائیلی حملوں میں اب تک 75 ہزار 577 فلسطینی زخمی ہوچکے ہیں۔ غزہ کی وزارتِ صحت کے مطابق گذشتہ 24 گھنٹوں میں اسرائیلی حملوں میں 59 فلسطینی شہید اور 83 زخمی ہوئے ہیں۔