خلیج فارس میں ایران کی حکمت عملی امن اور سیکورٹی پر مبنی ہے، ایڈمرل تنگسیری

شیعہ نیوز: سپاہ پاسداران انقلاب کی بحریہ کے سربراہ ایڈمرل علی رضا تنگسیری نے کہا ہے کہ خلیج فارس میں ایرانی حکمت عملی قیام امن اور سیکورٹی پر مبنی ہے۔

رپورٹ کے مطابق ایرانی سپاہ پاسداران انقلاب اسلامی کے بحری شعبے کے سربراہ ایڈمرل علی رضا تنگسیری نے کہا ہے کہ خلیج فارس میں بیرونی طاقتیں بدامنی کا باعث بن رہی ہیں۔ ایران نے خلیج فارس میں قیام امن اور سیکورٹی کو یقینی بنانے کی حکمت عملی اختیار کررکھی ہے۔

یہ بھی پڑھیں : غزہ، فلسطینی مجاہدین کا حملہ، دو صہیونی افسر ہلاک ایک زخمی

انہوں نے کہا مشرق وسطی کی مجموعی گیس کا 40 فیصد جبکہ تیل کا 62 فیصد خلیج فارس کے علاقے میں پایا جاتا ہے۔ ایران نے آبنائے ہرمز میں امن قائم کرتے ہوئے روزانہ کی بنیاد پر بحری جہازوں کی آمد و رفت کو یقینی بنایا ہے۔

خلیج فارس بحیرہ عمان تک پہنچنے کا راستہ ہے۔ خلیج میکسیکو اور گلف آف ہڈسن کے بعد یہ دنیا میں تیسرے نمبر پر آتا ہے۔ خلیج فارس سے ایران کی سرحد دوسرے ممالک سے زیادہ ملتی ہے اسی لئے خطے کے ممالک میں سے ایران نے قدیم زمانے سے لے کر آج تک خلیج فارس کے معاملات میں اہم کردار ادا کیا ہے۔

اس اہم بین الاقوامی آبی گزرگاہ پر ایران کے کنٹرول اور اہم حیثیت کی وجہ سے ایران میں ہر سال 29 اپریل کو یوم خلیج فارس منایا جاتا ہے۔