شہید حسن ترابی نے اتحاد امت کیلئے گراں قدر خدمات سرانجام دیں، علامہ شبیر میثمی

شیعہ نیوز: شیعہ علماء کونسل پاکستان کے مرکزی سیکرٹری جنرل علامہ شبیر حسن میثمی نے برسی علامہ شہید حسن ترابی پر گفتگو کرتے ہوئے کہا کہ مجاہدانہ زندگی، تحفظ عزاداری کے لیے جام شہادت نوش کرنے والی عظیم شخصیت تھے، شہید ترابی سے ہمارا بڑا تعلق رہا، شہید عزاداری کے تحفظ کی مثالیں قائم کرنے والے عزادار سید الشہداء امام حسین علیہ السلام تھے۔ شیعہ علماء کونسل کے مرکزی سیکرٹری جنرل نے مزید کہا کہ علامہ ترابی نے بالخصوص سرزمین سندھ میں اتحاد و وحدت کے حوالے سے جو خدمات انجام دیں وہ بھی تاریخ کا ایک اہم حصہ ہے، ہر مسلک کے لوگ اشکبار ہوتے ہیں جن کے سامنے نام ترابی آتا ہے، اللہ تعالیٰ اس عظیم شہید کے درجات مزید بلند فرمائے آمین۔