یورپی یونین کی ناروے کے خلاف اسرائیلی اقدامات کی مذمت
شیعہ نیوز: یورپی یونین کے خارجہ امور اور سلامتی کی پالیسی کے اعلیٰ مندوب جوزپ بوریل نے اسرائیلی قابض حکومت کی جانب سے ناروے کے سفارت خانے میں سفارت کاروں کو فلسطینی ریاست میں ناروے کی نمائندگی کی اجازت ختم کرنے کے فیصلے کی مذمت کی ہے۔
بوریل نے کہا کہ "آج مجھے ناروے کے وزیر خارجہ ایسپین بارتھ ایڈے نے فون پر بتایا کہ بنجمن نیتن یاہو کی حکومت کی طرف سے فلسطینی اتھارٹی کے ساتھ معاملات کرنے والے نارویجن سفارت کاروں کی سفارتی حیثیت کو منسوخ کرنے کا فیصلہ کیا گیا ہے۔
انہوں نے مزید کہاک "میں اس غیر منصفانہ فیصلے کی شدید مذمت کرتا ہوں، جو اوسلو معاہدے کی روح کے خلاف ہے اور فلسطینی اتھارٹی کے ساتھ معمول کے تعلقات اور تعاون کو غیر متناسب طور پر متاثر کرتا ہے”۔
یہ بھی پڑھیں : ہماری سفارتی نمائندگی کی منسوخی اسرائیل کی انتہا پسندی ہے، ناروے
انہوں نے مزید کہا کہ "میری ہدایات کی بنیاد پر تل ابیب میں یورپی یونین کے وفد کے سربراہ نے اسرائیلی حکومت کو ہمارے موقف سے آگاہ کیا۔ یہ اسرائیل اور ناروے کے درمیان دو طرفہ مسئلہ نہیں ہے بلکہ مشرق وسطیٰ میں امن اور استحکام کے لیے کام کرنے والوں کے لیے تشویش کا مسئلہ ہے۔
بوریل نے وضاحت کی "کہ فلسطینی عوام کے لیے بین الاقوامی امداد کو مربوط کرنے کے لیے وقف رابطہ کمیٹی کے سربراہ کے طور پر (اے ایچ ایل سی ڈونر میٹنگ) انہوں نے مشرق وسطیٰ میں امن کے عمل اور فلسطینی عوام کی حمایت میں اہم کردار ادا کیا ہے”۔
انہوں نے زور دیا کہ "یورپی یونین ناروے کے ساتھ مکمل یکجہتی کے ساتھ کھڑا ہے، جو خطے میں امن، سلامتی اور خوشحالی کو فروغ دینے کی ہماری کوششوں میں ایک انمول شراکت دار ہے”۔
قابض ریاست نے کل جمعرات کو اعلان کیا تھا کہ اس نے بین الاقوامی فوجداری عدالت میں جمع کرائی گئی ایک درخواست کی بنیاد پر ناروے کے خلاف تعزیری اقدامات کرنا شروع کر دیے ہیں۔ اس تجویز میں کہا گیا ہے کہ اوسلو معاہدہ فلسطینیوں کے خلاف کیے جانے والے جرائم پر غور کرنے کے اختیار کو متاثر نہیں کرتا۔یہ کہ عدالت اسے جاری کر سکتی ہے۔
ناروے کے اس بیان کے بعد نیتن یاھو اور اس کے وزیر دفاع یو آوگیلنٹ کے وارنٹ گرفتاری جاری کرنے میں مدد مل سکتی ہے۔
قابض ریاست کا ناروے کے خلاف تعزیری اقدامات کرنے کا فیصلہ اس رائے کے بعد سامنے آیا ہے جو اس نے بین الاقوامی فوجداری عدالت میں جمع کرائی ایک تجویز میں پیش کیا۔
