ترکی اور عراق کا سکیورٹی تعاون کی ایک مفاہمتی یادداشت پر دستخط

شیعہ نیوز: ترکی کے وزیر خارجہ نے کہا کہ انقرہ اور بغداد نے سیکورٹی اور عسکری شعبوں میں تعاون کے حوالے سے مفاہمت کی یادداشت پر دستخط کیے ہیں۔

ینی شفق نے بتایا ہے کہ ترکی کے وزیر خارجہ ہاکان فیدان نے کہا ہے کہ ترکی اور عراق نے سیکورٹی، فوجی اور انسداد دہشت گردی کے شعبوں میں تعاون کی ایک یادداشت پر دستخط کر دئے۔

فیدان نے ترکی کے دارالحکومت انقرہ میں اپنے عراقی ہم منصب فواد حسین کے ساتھ چوتھے ترک عراق اعلیٰ سطحی سیکورٹی اجلاس کے بعد مشترکہ پریس کانفرنس میں کہا: اس یادداشت پر عراق اور ترکی کے وزرائے دفاع کے درمیان دستخط ہوئے۔

یہ بھی پڑھیں : میرجاوہ بارڈر ٹرمینل سے 7 ہزار سے زائد پاکستانی ایران میں داخل

عراقی وزیر خارجہ فواد حسین نے کہا ہے کہ مفاہمت کی یادداشت دونوں ممالک کی تاریخ میں بے مثال ہے۔

عراق میں PKK دہشت گرد گروہ کا ذکر کرتے ہوئے، فیدان نے اس بات پر زور دیا کہ انقرہ اور بغداد نے اپنے اعلی حکام کی مرضی کی تکمیل کے لیے اہم پیش رفت کی ہے۔

انہوں نے یہ بھی کہا کہ ترکی اور عراق کچھ عرصے سے اس یادداشت پر بات چیت کر رہے ہیں۔

فیدان نے اپنے اعتماد کا اظہار کیا کہ میمورنڈم میں بیان کردہ کوآرڈینیشن اور مشترکہ تربیتی مراکز کے ذریعے تعاون کو اعلیٰ سطح پر فروغ دیا جائے گا۔

عراقی وزیر خارجہ نے یہ بیان کرتے ہوئے کہ PKK دہشت گرد گروہ اس وقت عراق میں ایک ممنوعہ تنظیم ہے مزید کہا کہ دہشت گردی سے عراقی معاشرے کو بھی خطرہ ہے۔

فواد حسین کے مطابق، ترکی اور عراق دہشت گردی کے خلاف جنگ کے لیے بغداد میں مشترکہ سکیورٹی کوآرڈینیشن سینٹر اور بشکیک میں ایک مشترکہ تربیتی مرکز قائم کریں گے۔