تمام امریکی ایئر لائنز کی تل ابیب کیلئے آئندہ 7 ماہ تک تمام پروازیں منسوخ

شیعہ نیوز: غاصب صہیونی رژیم کے میڈیا نے اعلان کیا ہے کہ امریکی ہوائی کمپنیوں نے غاصب اسرائیلی رژیم کے بن گورین ایئرپورٹ کے لئے اپریل 2025ء تک کی اپنی تمام پروازیں منسوخ کر دی ہیں۔ ترک خبررساں ایجنسی اناطولیہ کے مطابق یہ اقدام غزہ پر مسلط کردہ غاصب اسرائیلی رژیم کی انسانیت سوز جنگ سے پیدا ہونے والی علاقائی کشیدگی میں شدید اضافے کے باعث اٹھایا گیا ہے جس میں اب تک 40 ہزار سے زائد فلسطینی شہری شہید اور 92 ہزار سے زائد زخمی ہو چکے ہیں۔ اسرائیلی چینل کان نے بھی یہ خبر دیتے ہوئے اعلان کیا ہے کہ تمام امریکی ایئر لائنز نے تل ابیب کے لئے اپنی تمام پروازوں کی معطلی کو آئندہ سال اپریل تک بڑھا دیا ہے۔