اربعین مارچ میں ندائے الاقصی موکب پر 50 میٹر کا فلسطین کا پرچم
شیعہ نیوز: دنیا بھر کے دسیوں لاکھ حسینینوں کی شرکت سے جاری سالانہ اربعین مارچ میں ندائے الاقصی موکب پر فلسطین کا 50 میٹر کا پرچم لہرا دیا گیا ہے۔
رپورٹ کے مطابق نجف کربلا سالانہ اربعین ملین مارچ میں اس سال فلسطین کی حمایت نمایاں ہے۔
اس رپورٹ کے مطابق سالانہ اربعین مارچ کے دوران ندائے الاقصی موکب پر مختلف ملکوں کے زائرین کی موجودگی میں پچاس میٹر کا فلسطین کا پرچم نصب کیا گیا۔
یاد رہے کہ ندائے الاقصی موکب میں فلسطینی کارکن زائرین اربعین کی پذیرائی کررہے ہیں۔
یہ بھی پڑھیں : ایران کے نئے وزیر خارجہ عباس عراقچی کو روسی وزیر خارجہ کی مبارکباد
ندائے الاقصی موکب شاہراہ نجف کربلا کے درمیان پول نمبر 833 پر زائرین امام حسین کی خدمت کے لئے قائم کیا گیا ہے۔
یہ موکب مسجد الاقصی کی شکل میں تیار کیا گیا ہے ۔
ندائے الاقصی موکب میں فلسطین کے میزبان زائرین کی خدمت کررہے ہیں ۔
سالانہ اربعین مارچ میں شریک مختلف ملکوں کے حسینیوں کی جانب سے موکب ندائے الاقصی کا خیرمقدم اور فلسطین سے ان کا اظہار عقیدت بے نظیر ہے۔
ساالانہ اربعین مارچ کے شرکا ندائے الاقصی موکب پرپہنچتے ہی ہاتھوں کو بلند کرکے اور وی کا نشان بناکر فلسطین کی فتح کا اعلان کرتے ہیں اور فلسطین کی حمایت میں نعرے لگاتے ہیں۔
اکثر زائرین عربی میں یا انگریزی میں اور بعض اپنی اپنی زبانوں میں فلسطینی عوام کے ساتھ یک جہتی اور غاصب صیہونی حکومت اور اس کے حامیوں سے نفرت کا اظہار بھی کرتے ہیں۔
