شہید عبداللہیان مقاومت کا نمائندہ تھے، یمنی سفیر
شیعہ نیوز: یمنی سفیر نے کہا ہے کہ سابق وزیر خارجہ شہید عبداللہیان مقاومت کا نمائندہ تھے۔
رپورٹ کے مطابق ایران کے شمالی شہر دامغان کی مقامی یونیورسٹی میں وطن سے دور جہاد کرنے والے مجاہدین کو خراج عقیدت پیش کرنے کے لئے کانفرنس منعقد ہوئی جس میں مختلف ممالک کے سفارت کاروں اور نمائندوں نے شرکت کی۔
یہ بھی پڑھیں : جارحیت جاری رہنے کی صورت میں مزید یرغمالیوں کی ہلاکت ہوگی، ابوعبیدہ
کانفرنس سے خطاب کرتے ہوئے تہران میں تعیینات یمنی سفیر ابراہیم الدیلمی نے کہا کہ شہید امیر عبداللہیان سفارت کاری کے شعبے میں ایک مکتب تھے جس نے سفارت کاری کو جدت بخشی اور استکبار کے ساتھ مبارزہ کرنے والوں کے اندر نئی روح ایجاد کی۔
انہوں نے استکبار کے خلاف شہید عبداللہیان کے موقف کو سراہتے ہوئے کہا کہ اپنے ٹھوس موقف کی وجہ سے شہید عبداللہیان عالمی استکبار کے میڈیا وار کا بھی شکار ہوئے۔ وہ دنیا میں مقاومت کے مضبوط حامی اور نمائندہ تھے۔
یمنی سفیر نے مزید کہا کہ شہید عبداللہیان نے جرائت مندانہ سفارت کاری کی۔
