حزب اللہ کے پن پوائنٹ بلیسٹک میزائل "قادر 2 ” اور ” نصر1″
شیعہ نیوز: حزب اللہ لبنان نے اپنے دو پن پوائنٹ بلیسٹک میزائل”قادرد2″ اور "نصر1″ کے آپریشنل ہونے کے بعد ان کی فوٹیج اور تفصیلات جاری کردیں۔
بدھ کی شام لبنان کی اسلامی استقامتی تحریک کے انفارمیشن سینٹر نے رپورٹ دی ہے کہ حزب اللہ نے دونوں پن پوائنٹ بیلسٹک میزائلوں کی فوٹیج جاری کرکے اعلان کیا ہے کہ ” قادر2″ زمین سے زمین پر مار کرنے والا پن پوائنٹ بیلسٹک میزائل ہے جس سے حال ہی میں تل ابیب کو نشانہ بنایا گیا تھا۔
حزب اللہ کی جاری کردہ ویڈیو فوٹیج اور تفصیلات کے مطابق یہ بیلسٹک میزائل اسلامی استقامتی تحریک نے انجینیئروں نے اس میزائل کو اپ گریڈ کیا ہے اور حیاتی اہمیت کے اہداف کو بالکل صحیح نشانہ بنانے کے لئے اس سے کام لیا جاتا ہے۔
یہ بھی پڑھیں : یورپی یونین اور خلیج فارس تعاون کونسل کے مشترکہ بیان پر ایران کا ردعمل
حزب اللہ لبنان نے اعلان کیا ہے کہ "قادر2” میزائلوں میں بہت زیادہ انہدامی توانائی پائی جاتی ہے۔
حزب اللہ نے اپنی رپورٹ میں بتایا ہے کہ یہ میزائل پہلی بار چار اکتوبرکو آپریشنل ہوا۔
حزب اللہ لبنان نے اسی طرح ایک ویڈیو فوٹیج "نصر1″ پن پوائنٹ بیلسٹک میزائل کی بھی جاری کرکے بتایا ہے کہ ” نصر1″ میزائل کی رینج 100 کلومیٹر ہے، اور یہ میزائل 100 کلو کا وار ہیڈ لے جاسکتا ہے۔
حزب اللہ لبنان نے بتایا ہے کہ "نصر1” زمین سے زمین پر مار کرنے والا پن پوائنٹ بیلسٹک میزائل ہے جو اسلامی استقامتی تحریک کے انجینیئروں نے تیار کیا ہے۔
حزب اللہ نے بتایا ہے کہ یہ میزائل بھی حیاتی اہمیت کی تنصیبات اور مراکز کو بہت ہی دقیق نشانہ بنانے کی صلاحیت رکھتا ہے۔
حزب اللہ نے اس میزائل کی ایک خصوصیت یہ بتائی ہے کہ اس کے اندر دشمن کے ایئر ڈیفنس سسٹم کو منحرف کرنے کی منفرد صلاحیت پائی جاتی ہے۔
اس رپورٹ کے مطابق حزب اللہ لبنان نے "نصر1” میزائل 14 اکتوبر کو پہلی بار آپریشنل کیا ہے۔
