ثقلین علی جعفری اصغریہ اسٹوڈنٹس کے نئے مرکزی صدر منتخب

شیعہ نیوز: ثقلین علی جعفری اصغریہ اسٹوڈنٹس آرگنائزیشن پاکستان کے نئے مرکزی صدر منتخب ہوگئے۔ تفصیلات کے مطابق اصغریہ اسٹوڈنٹس آرگنائزیشن پاکستان کا 55واں سالانہ مرکزی ’’تحریک حسینی‘‘ کنونشن 25 تا 27 اکتوبر اندرون سندھ کے شہر سہون کے مقامی ہوٹل میں منعقد ہوا، جس میں اضلاع، ڈویژنز اور مرکز کی سالانہ کارکردگی رپورٹس پیش کی گئی، ہفتہ کی شب مرکزی جنرل کونسل کا اجلاس منعقد ہوا، جس میں یونٹ صدور، اضلاع، ڈویژنز اور مرکزی کابینہ کے عہدیداروں نے نئے مرکزی صدر کے انتخاب کیلئے ووٹ دیا۔

مرکزی کنونشن کے آخری روز اتوار کو جلسہ عام بعنوان ’یوم سیدہ زینب سلام اللہ علیہا‘‘ کا انعقاد کیا گیا، جس میں سال 25-2024ء کیلئے اکثریت رائے سے منتخب ہونے والے اصغریہ اسٹوڈنٹس کے نئے مرکزی صدر ثقلین علی جعفری کے نام کا اعلان کیا گیا، کارکنان نے بھرپور انداز میں نئے مرکزی صدر کا استقبال کرتے ہوئے انہیں اسٹیج تک پہنچایا، جس کے بعد نئے مرکزی صدر نے عہدے کا حلف اٹھایا۔ بعد ازاں نو منتخب مرکزی صدر ثقلین علی جعفری نے شرکائے کنونشن سے خطاب کیا۔ مرکزی کنونشن کا اختتام دعائے سلامتی امام زمانہ (عج) سے کیا گیا۔